Langkahonma Amang

Langkahonma Amang

Amang, anakku haholongan

Tondingku di hangoluan

Pangggogoi di ari na tobang

Panorang di hagolapan

Kehema ho amang

Langkama ho tu parjalangan

Pataru hasuadaan

Mangalap hasonangan

Ulang taonkon di huta on

Ulang padoon di parsuadaan on

Ulang sosali di hadangolan on

Ulang tangisi tanggungan ni badan mon

Langkahonma amang simanjojakmu

Ingot amang poda ni ompungmu

Pikirkonma amang masa depanmu

Ulang ko be ra songon au

Pala nida ho amang unggas na habang

Pasampe tonamu ngon pangarantoan

Ulang ko amang lupa tu hasorangan

So ulang manyosal di parpudian

Dung dapot ko amang hagiotmu

Tungkirkon ami na mardangol ni ngolu

Mulak ko amang tu hatubuanmu

Sondiape on do hutamu

Langkahonma amang simanjojakmu

Doaku mangihutkon tondimu

Moga dapot ko hagiot ni rohamu

Bahagiama ho saleleng ngolu

Ulang Marsak

Ulang ko marsak

Ulang paarsak-arsak

Sondiape hangoluan

Nangkan ro do sonang hapudian

Inda adong na sempurna

Sanga aha pe i ginjang dunia

Satongkin tangis, satongkin martata

Ima na idokon adat ni dunia

 Padiarma mura arga ni gota

Nangkon pamasuk tu bagasan ni roha

Dapot mangan, ita syukurkonma

Pado marsak, mambaen sega

Godang pe arga ni gota

Manombo so binoto sanga tudia hasilna

Sai ro, sai hakeheanna

 Genan sotik tai borkah tarida

Ulang ko marsak

Ulang paarsak-arsak

Ulang ko marsak

Rasoki i angkan na marrarak