Tano Mandailing

Tano Mandailing

O Mandailing...

Tanongku hasorangan

Tanongku hatubuan

Parmayam dohot dongan-dongan

Muda u tatap tu ginjang

Taridama gunung sorik marapi

Muda u tatap tu toru an

Tarida aek batang gadis i

Muda tibo di borngin ni ari

Rondang ni bulan sai manorangi

Daganak marmayam di alaman

Umak-umak mambayu amak pandan

O Mandailing..

U bolus pe Sabang tu Merauke

Totop do taringot au tu tano sere

Sanga tudia pe au kehe

Ho do na i bagasan ate-ate

O Mandailing...

Goarmu sai totop hu kenang

Sanga tudia pe au jalang

Goarmu sai totop hu oban

Sapanjang ngolu ni badan