Marsarak Mate (Di Malintang Pos 28 Des 2015)

Marsarak Mate

Cerpen Mandailing: Mustopa Kamal Batubara

Potang ni ari na sangat jogi, i toru ni alibutongan na manorangi. Hajogianna tibo-tibo mago harani rimbus ni udan na ro mangompoti. Ngon bagas papan maralaskon tano, u paligi-ligi rimbus ni udan naso juo maradian. I samping tingkap au martungkol isang painte udan anso siang.

“Rahmat, madung ipasimpan ko ma lalu sude barang-barang na get obanon i amang?” jou-jou umak ngon dapur.

“Mandung umak, ma u pasimpan ma sude” ningku mangalusi umak.

Naron borngin baya u tinggalkon huta hasorangan on. Nangkan u langkahonma simanjojak manuju pangarantoan. Jakarta, kota na u haropkon bisa manguba ngolungku. Tarpaksa au kehe mangalangkahon pat on tu sadun harani inda bisa au songon dongan-dongan na lain ibe, sikola di bangku parkuliahan.

Cahayo ni bulan dohot do marudur pabuot au diborngin ni ari on. Bus ALS na marwarna rata laut i pe muloi ma patidahon wujudna sian na dao i. Udan di potang ni ari nangkinan tibo-tibo turun mulak, u ida aek nai mangalir ngon sudut mata ni umak. Aek ni matangku pe maraburan mangalepekkon bumi waktu u kaluk umak.

“Umak, doahon anakmon anso manjadi alak na sukses saulakon”

“Olo amang. Doa ni umak salalu mangiutkon si manjojakmu. Mudah-mudahan amang dapot ko sude hagiot ni rohamu”

Bus ALS na u tengget pe marangkatma maninggalkon huta Bange, Bukit Malintang on. Hakeheanku diiringi doa dot tangis ni umak, songoni juo koum-koum na pabuotkon au di borngin ni ari on.

***

Dung manempuh pardalanan tolu ari dua borngin, akhirna bus na u tengget sampe juo ma di kota Jakarta. Ise naso kagum mangaligi hajogian ni kota on. Gedung-gedung godang-godang manjulang hampir sanga tu langit. Motor marampar mamadati dalan raya. Taman kota deges menghiasi satiop sudut ni dalan. Ate-ate sonang mangaligi sude hajogianna.

Dung sampe di stasiun bus, parudak on pe ro juoma mangalap au. Bope nga udak kandung, tai denggan ni roana mangalobi i udak kandung do ulala. Udak on, dongan ni almarhum ayah do najolo. Udak onma topotanku di kota on. Targan so dong dapot karejo, i bagas ni udak on ma au tinggal sementara waktu.

“Rahmat, selamat datang di kota Jakarta” ning udak.

“Tarimokasi ma sagodang-godangna udak atas sambutan nai”

“Olo. Nadia do barang-barangmu, so barangkat kita sannari tu bagas”

“Na onan udak”

“O. Kehe ma ita soni sannari”

“Jadima udak”

Manyogot na sangat cerah, tai marbeda dot ate-atengku sadarion. Nga u boto sanga aha sobabna. Mungkin inda pe sada roangku baen na so adong i dope dapot karejongku na jelas. Um na manolong-nolongi adabori ni udak i dope au marjagal  i parjagalan ni alai on. Anggo udak tong supir ni motor angkutan kota do.

“Rahmat, tolong jolo angkat danon on tu motor ni kakak on”

“Olo etek”

Tibo-tibo dung u angkat danon, mangkuling ma HP tulalit na adong di cakuk kananku. Langsung u ligi. Telepon ni umak ngon kampung.

“Assalamu ‘alaikum Rahmat, hallo”

“Hallo umak, walaikum salam”

“Rahmat, jam piga lalu amang sampe na?” 

“Jam sapulu i nangkin umak, maaf umak nangkin na get u telepon do umak, tai baen na manolongi etek i dope, inda pe bisa au nangkin manghubungi umak harana bahat alak na manabusi” 

“O jadima amang, alak etek dot udakmu ma sondia kabarna?”

“Alhamdulillah alai pe sehat juo do umak”

“O syukur mada amang i”

“Alak umak pe rangku sehat juo do i huta”

“Alhamdulillah sehat juo amang”

Bope idokon umak sehat, u rasoi do sanga aha na irasoi ni umak i sannari. Maros-ros ate-ate ni umak na marsarak i baya dohot anak nia. U rasoi do ilu mata ni umak na maraburan waktu martalepon on dot au, tai nga ipatanda umak so ulang tangis buse au.

“Mak, ulang umak tangis, ipas do au tongkin nai mulak, dung dapot au aha na u cita-cita on i”

“Olo amang, mudah-mudahan nian mukobul sude pangidoanta”

“Olo umak, ulang tangis umak be da, so ulang martamba sedih u lala”

“Olo amang, rahmat sampeon kirim solom ni umak tu alak udak mu da”

“Olo umak”

Parputaran ni waktu boti na sangat ipasna. Madung gonop sabulan au di kota Jakarta, tai na les so dapot dope baya karejo. Pas mambuka parjagalan, tibo-tibo udak manopotkon au. Mungkin adong get dokonon ni udak jau.

“Rahmat, madung ita ida sannari ama na payah manjalaki karejo di Jakarta on. Madung gonop sabulan ijalaki udak diho karejo, tai les na so dapot dope. Sondia do ning roa pala jadi kenek ni angkot ko jolo sementara soni?”

“O nga mua ba udak i. Kenek ni udak do?”

“Inda. Kenek ni dongan do gari. Anggo kenek ni udak kan adong dope”

“Jadima udak. Soni pe jadi”

“O jadima. Naron ma ikabari udak dongan i”

“Olo udak”                                                

Milas ni ari inda mambaen tondingku surut di tonga ni ari on. Bope sude rintangan ro mangalawan au ngon sude arah, inda angkan surut au tu balakang. Angkon na marusaho au sungguh-sungguh anso bisa u baen alak umak bahagia.

***

Inda pe gonop dua poken jadi kenek, tibo-tibo dongan ni udak i mamecat au harana kenek nia na onoki get karejo mulak. U ida do hata-hata sulaha di boi nia waktu paantak au. Ia pe maila juo do tu au laos mangido moof . U kuatkon ate-atengku anso tabah manghadopi sude cobaan on. Yakin do au, i balik ni sude peristiwa na tarjadi on pasti adong hikmahna.

Inda pe murak bugang na itinggang tangga madung ona tinggang buse iba. Tibo-tibo diusir udak buse au ngon bagas nia, harana alak na maradong na i samping bagas nia mandokon au mandonok-donoki boru nia na margoar si Lia. Padahal si Lia do na mandonok-donoki au satiop ari. Ia do na cinta mate tu au.

Lima ari lima borngin au tarlantar di tonga gersang ni kota Jakarta on. Muda borngin modom maruloskon ombun maramakkon tano. Botul-botul hancit ma baya u lala na mangalewati rompo-rompo ni ngolu on.

Tibo-tibo HP mangkuling di ari na sangat milas. U ligi layar ni HP, umak manalepon ngon kampung. Inda u boto be sanga sondia pala iboto umak au na ipaorot ni udak ngon bagas. Mudah-mudahan ulang sanga iboto umak so ulang jadi partongkaran di pudi ni ari.

“Assalamu ‘alaikum Rahmat”

“Walaikum salam umak, ma sondi kabar ni alak umak i kampung?”

“Alhamdulillah sehat amang, ho pe rangku sehat do?”

“Alhamdulillah sehat juo umak”

“O jadima amang. Ma mangan kotu amang?”

“Madung umak” ningku, padahal muloi manyogot i naso mangan dope, harana mandung abis epeng i cakuk.

“Alak umak pe rangku ma mangan ma?”

“Mandung juo amang. Taringot nai tagi do rangku jadi kenek ni angkot i amang?”

“Alhamdulillah tagi doba umak” ningku, inda u dokon di umak na dung ona pamantak au karejo, so ulang mambaen arsak roa ni umak.

“O jadima amang. Soni ma jolo amang da. Kirim solom ma soni tu alak udakmu”

“Olo umak”

Dung mangecek dot umak lewat telepon, tibo-tibo taringot au tu dongan sakalasku waktu SMP sakali, goarna si Sabil. Sannari Ia kuliah di Jakarta on. U telepon nomor nia, Alhamdulillah les aktif dope. Ompot bisa ia mambantu au na dompak kesulitan on.

“Assalamu ‘alaikum, botul do on si Sabil?”

“Walaikum salam, olo botul. Ise don ?”

“Au do on Bil. Si Rahmat donganmu waktu SMP i”

“O, ho do Rahmat on. Nomor baru hontong ima so nga itanda kawan”

“Songonon Sabil bisa do au dongan mangido tolong, alap jolo au gari sannari tu monas. Na ginjangan caritona, naronma u carito on jo”.

“O jadima Mat, painte isi da so u alap sannari”

“Jadima Bil”

Lintasan alibutongan manamba hajogian ni potang ni ari, i bagas kos ni si Sabil on. Matahari pe tarida maila-ila mikim get marsimonjap tu balik ni sonja na rara. U ucapkon tarimo kasi na sagodang-godangna tu si Sabil atas sude bantuan nia, harana epeng pe ipainjamkon ia do jau sebagai modal usaha. Botul-botul ma si Sabil alak na maruntung dunia akhirat, harana sinakayoan nia i, ibaen ia tu dalan na denggan.

Marmodalkon epeng pinjaman na ilehen si Sabil i, u buka ma usaho jasa pambaenan spanduk. Alhamdulillah tiop ari usaho spanduk na u buka on martamba maju. Sannari karyawanku lobi saratus alak. Au pe malanjutkon sikola mulak, sannari au kuliah di salah satu Universitas terkenal i Jakarta.

***

Ari margonti bulan, bulan pe margonti taon. Sadarion au nangkan diwisuda, tai baya alak na paling u cintai inda bisa hadir harani umak inda bisa berjalan jauh be baen na dung matobang i. Salose sude acara wisuda. Mangkuling HP ngon cakuk.

“Assalamu ‘alaikum.. bang panyakit ni umak tibo-tibo mungkap mulak, sannari na gulung sajo doma umak i podoman”

“Walaikum salam. Hah… mua nimu Nurul ?”

“Marun umak Bang, mulak jolo gari abang”

“Pio jolo mantari bage”

“Mandung bang, mandung ison ma mantari pe”

“Sondia doma roai tie harana na itempat ni wisuda dope abang on”

“Na malungun bage do rangku umak tu abang i, harana ipio-pio umak sajo goar ni abang. Sondia doma bang?”

“O painte pala so itelepon abang jolo pambuotan ni tiket, sanga adong dope pesawat na berangkat tu itaan”

Dung tolap i kampung. Langsung masuk au tu bagas. Aek ni matangku mangalir mangalobi i doras ni aek batang gadis. U salam tangan ni umak, ukaluk umak. Mangido moof au harana tarlambat sampe tu bagas. Umak pe tangis marcampur bahagia harani pasuo dot au. Sonang ni roha ni umak tarida ngon muko ni umak mangida au mamake baju wisuda, naso sompat u buka nangkin harani sosakna tu kampung.

“Umak baju wisuda on, u persembahkon tu umak. Ipas umak sehat. Olo umak”

“Olo amang. Na sangat sonang na ate-ate ni umak maligi ho mamake baju wisuda i”

“Umak, aha do giot ni umak so u tabusi. Diumak do sate, bakso, pizza ?”

“Inda amang. Kesuksesanmon pe madung na jopan roa ni umak. Rahmat amang, pasikola mulak anggi-anggimu amang tongkin nai da, so jadi alak na sukses alai, songon ko on”

“Olo umak, marjanji au nangkan u pasikola do anggi-anggingkon. Na utamona, ipas jolo umak sehat”

Tibo-tibo umak inda mangkuling be. Taroktokku dosar-dosar. Pikiranku inda manontu. Mantari na i samping kananku pe heran mangida umak tibo-tibo langsung sip . Langsung ipareso ia boltok ni umak.

“Inna lillaahi wa inna ilaihi roojiun, madung kehe ma umakmu rahmat manghadop na kuaso, sobar kita da”

“Umak,,,,”

“Sobar kita Rahmat”

 “Moofkon au umak…”

Aek ni matangku mangalir mambanjiri kampung. Mukongku marbosari harani ngot-ngot ni ate-ate. Tangisan ni alam dohot do pataru hakehean ni umak manghadop Ilahi Robbi. Onma rupa parsuon terakhirku dot alak na paling u cintai di ginjang ni dunia on. Anggo inda baen na hamatean, inda nangkan ra au mandalani parsarakan. “Selamat jalan umak, painte anakmon i pintu ni surgo”

Salose

"Pertemuan Terakhir dengan Emak"

 (Terjemahan Cerpen: Marsarak Mate)

Sore nan indah di bawah lintasan pelangi. Burung-burung bernyanyi di ranting pohon nan rindang. Dedaunan menari mengikuti tiupan angin. Dari sebuah rumah kecil beralaskan tanah, aku memandang lukisan alam, maha karya sang pencipta kehidupan.

“Rahmat, semua barang yang mau dibawa nanti sudah dikemas Nak?” tiba-tiba sahut emak dari dapur.

“Sudah Mak, semuanya sudah dikemas tadi” jawabku dengan polos.

Malam ini aku akan meninggalkan kampung halaman menuju kota metropolitan, Jakarta. Tempat yang aku harapkan bisa mengubah nasibku menjadi lebih baik. Aku terpaksa pergi merantau karena tidak mampu lagi melanjutkan pendidikan ke jenjang yang lebih tinggi.

Gemerlap bintang dan rembulan turut menemani keberangkatanku di malam ini. Bus berwarna biru tua sudah memperlihatkan wujudnya dari kejauhan. Tiba-tiba tetesan hujan mengalir dari sudut mata emak. Emak terlihat sangat sedih sekali ketika melepas kepergianku. Air mataku juga tidak kalah tumpah-ruah ketika memeluk emak untuk berpamitan.

“Rahmat pamit Mak, emak jangan lupa doakan Rahmat ”

“Iya Nak, emak takkan lupa mendoakanmu”

Bus yang aku tumpangi perlahan-lahan melaju meninggalkan Mandailing, kampung halaman yang telah setia jadi saksi bisu menemani semua kisahku.

Setelah menempuh perjalanan yang melelahkan, akhirnya bus yang aku tumpangi sampai di Kota Jakarta, kota sejuta magnet, kota yang sering dibicarakan orang-orang di kampungku. Tugu monas terlihat menyempurnakan keindahan kota metropolitan ini. Kota yang benar-benar mengagumkan bagi anak kampung sepertiku.

Setelah berada di stasiun bus, paman menjemputku. Beliau bukanlah paman kandungku, tetapi paman ini adalah sahabat karib dari almarhum ayah. Untuk sementara aku tinggal di rumah beliau, sebelum aku mendapat pekerjaan.

“Rahmat, selamat datang di Kota Jakarta” ungkap paman.

“Iya Paman, terima kasih atas sambutannya” jawabku.

“Barang-barangmu yang mana? biar kita berangkat ke rumah”

“Yang ini Paman”

“Kita berangkat ke rumah sekarang ya”

“Baik Paman”

Pagi yang sangat cerah, namun tak secerah hatiku saat ini, yang masih diselimuti kabut karena pekerjaan belum kunjung terlihat.

 “Rahmat, pekerjaan sekarang sangat susah di Jakarta ini, sudah genap satu bulan paman mencari pekerjaan yang pas untuk Rahmat, tapi hasilnya belum ada. Bagaimana kalau kamu jadi kernet angkot saja dulu?”

“Boleh juga Paman, kernet angkot paman ya?”

“Bukan, kernet angkot teman paman. Kalau kernet angkot paman kan masih ada Mat”

“Baik paman, Rahmat mau”

“Baiklah, Paman nanti akan kabari teman itu dulu ya”

“Iya Paman”

Amarah mentari tidak membuat semangatku surut menjadi kernet angkot di siang yang menyesakkan dada ini. Aku harus bersungguh-sungguh bekerja walaupun seribu rintangan menghadang dari segala penjuru. Aku ingin secepatnya melihat emak dan adik-adikku di kampung bahagia.

Belum genap dua minggu bekerja sebagai kernet angkot, tiba-tiba teman paman itu dengan terpaksa memecatku. Ia mengatakan bahwa kernet yang lama masih ingin tetap bekerja. Ia tersipu malu kepadaku, ia benar-benar minta maaf, aku pun memakluminya. Dengan hati yang sabar, kupasrahkan semua takdir kepada Sang Maha Kuasa. Aku yakin dibalik semua peristiwa ini pasti ada hikmahnya.

Belum sembuh luka di dada, tiba-tiba bumi runtuh menimpa. Paman mengusirku dari rumah dengan alasan tetangga sebelahnya meminta aku pergi dari sini. Kata paman, orang kaya tersebut tidak mau melihat aku dekat dengan Lia, putrinya. Padahal Lia yang selalu berusaha mendekatiku. Hidupku luntang-lantung di jantung kota metropolitan ini.

Tiba-tiba aku teringat dengan seorang sahabatku bernama Sabil, ia kuliah di Jakarta ini. Sabil adalah sahabat karibku ketika SMP dulu. Aku langsung menelepon Sabil. Alhamdulillah nomornya masih aktif.

“Assalamu Alaikum. Benar ini Sabil?”

“Walaikum salam. Iya benar, ini siapa ya?”

“Ini Rahmat Bil, teman satu SMP mu dulu”

“O.. Rahmat, bagaimana kabarmu Mat?”

“Alhamdulillah baik Bil. Kamu baik juga kan Bil?”

“Alhamdulillah baik Mat”

“Bil gini, aku sekarang lagi di Jakarta. Ceritanya sangat panjang Bil, nanti aku ceritakan. Bil kalau tidak keberatan, apa kamu bisa jemput aku sekarang di monas?”

“Oo… baik Bil, tunggu di sana biar aku jemput”

Lintasan pelangi menambah indahnya sore di tempat kos Sabil. Mentari mulai kembali tersenyum di peraduannya. Aku sangat berterima kasih kepada Sabil, atas semua kebaikan hatinya. Aku tidak tahu lagi mau mengucapkan apa kepada Sabil karena ia juga telah meminjamkan aku uang sebagai modal usaha. Aku sangat senang sekali, aku berjanji kepada Sabil akan menggunakan uang yang ia pinjamkan itu sebaik mungkin.

“Bil, terima kasih ya atas semua bantuannya”

“Biasa ajalah Mat, kita sebagai manusia kan harus saling tolong menolong, gak usah sungkan-sungkan sama sahabat sendiri”

Dengan modal uang yang dipinjamkan Sabil, aku sekarang bisa membuka usaha percetakan dan pembuatan spanduk. Bermodal kemahiran yang aku miliki sewaktu SMK di kampung, Alhamdulillah aku kembali berhadapan dengan pekerjaan yang butuh ketelatenan ini.

 Mentari benar-benar memperlihatkan rona keindahannya di tengah gersangnya kehidupan Kota Jakarta. Usaha percetakan dan pembuatan spanduk yang aku bangun, setiap hari semakin memperlihatkan kemajuan. Kini usaha yang aku rintis ini telah mempekerjakan lebih dari tiga ratus karyawan.

Karena saat ini aku sudah mapan dari segi ekonomi, aku putuskan untuk melanjutkan pendidikan ke jenjang yang lebih tinggi. Walau bagaimanapun, menurutku pendidikan adalah hal yang sangat penting dalam hidup ini. Akupun kuliah di salah satu universitas bergengsi di Kota Jakarta.

Waktu begitu cepat berlalu. Hari ini adalah hari yang sangat mengesankan bagiku. Hari ketika aku resmi menyandang gelar sarjana pendidikan. Hari ketika aku akan diwisuda.

“Assalamu ‘alaikum Bang” terdengar suara seorang gadis setelah aku mengangkat telepon yang ada di saku kananku.

“Walaikum salam”

“Bang, ini Nurul. Bang penyakit emak tiba-tiba kambuh. Kami tidak tau lagi mau berbuat apa”

“Apa ?” tiba-tiba aku kaget tidak karuan.

“Iya Bang emak sekarang cuma bisa berbaring di tempat tidur aja”

“Nurul sudah panggil dokter ?”

“Sudah bang, dokter sudah ada di rumah. Abang bisa gak pulang secepatnya, soalnya emak manggil nama abang juga”

“Oo,,, gimana ya, o abang coba tanyakan tiket pesawat dulu apa masih ada yang akan berangkat ke sana, tunggu bentar ya, nanti abang telepon lagi”

“Iya Bang”

Setelah aku sampai di kampung. Aku langsung masuk ke rumah dengan perasaan tidak menentu. Air mataku mengalir melebihi derasnya aliran sungai yang membentang di tanah Mandailing ini. Aku sangat prihatin dengan kondisi emak yang yang hanya bisa berbaring. Kupegang tangan emak. Kukecup kening emak. Akupun minta maaf karena terlambat datang. Butiran-butiran air hujan terlihat mengalir membasahi sudut mata emak, hujan hari ini tidak seperti hujan biasanya. Hujan hari ini memperlihatkan raut kebahagiaan dari sudut pipi emak. Mungkin emak bahagia ketika melihat buah hatinya memakai baju wisuda, yang belum sempat tadi aku lepas karena tergesa-gesa ingin ke kampung untuk memeluk emak.

“Mak baju kehormatan wisuda ini Rahmat persembahkan untuk emak. Emak cepat sembuh ya”

“Iya nak, emak hari ini sangat bahagia sekali melihat Rahmat telah sukses”

“Iya Mak, rahmat sangat sayang sama emak”

 “Rahmat. Kalau nanti emak sudah tak ada lagi, jaga adik-adikmu ya Mak, sekolahkan mereka agar kelak mereka menjadi orang yang berguna bagi bangsa dan agama”

“Iya Mak”

Tiba-tiba suasana hening, butiran mutiara kata tidak terdengar lagi dari lisan emak. Aku semakin tidak karuan. Lalu aku bertanya kepada dokter kenapa emak tidak bicara lagi, dokterpun memeriksa emak.

“Inna Lillaahi wa Inna Ilaihi Raajiun, Emakmu telah pergi menghadap Sang Maha Kuasa, Rahmat” ucap dokter dengan perasaan terharu.

“Emak... jangan tinggalkan kami Mak…”

Air mataku mengalir membanjiri kampung yang begitu hening. Tangisan alam turut mengantarkan kepergian emak menghadap sang Maha Kuasa. Inilah pertemuan terakhirku dengan orang yang paling aku cintai di dunia ini. Orang yang begitu tulus mencintai dan membesarkanku. “Selamat jalan Mak, semoga emak tersenyum di surga”.

SELESAI